Degradación dos ecosistemas e contaminación

Os ecosistemas de chairas inundables víronse na súa maioría afectados pola construción de presas. En menos de dez anos, a degradación destes medios e as consecuencias sobre a saúde da poboación local foron dramáticas.

Augas arriba da presa de Diama, o funcionamento das brañas, lagos e estanques inundados regularmente, como o Djoudj, o Lago Guiers (Senegal) e o Lago Diawling (Mauritania), viuse gravemente prexudicado. Despois de 1986, a presa de Diama bloqueou a intrusión de auga de mar. Actualmente a auga da presa é doce todo o ano, creando as condicións ecolóxicas favorables para a proliferación de plantas de auga doce. Estas especies son moi invasoras o que leva consigo un proceso de eutrofización nalgúns lugares do val e o delta. Augas abaixo da presa de Diama, os trastornos no funcionamento dos ecosistemas tradúcense por un aumento da salinidade e/ou da seca durante parte do ano debido á redución das inundacións ou á destrución das canles dos caudais afluentes durante a construción de presas, perímetros irrigados, etc. A contaminación antropoxénica está provocada pola vertedura de químicos industriais e agrícolas nestes medios.

Outros problemas proveñen da competencia cada vez maior entre as terras agrícolas e a explotación madeireira. Obsérvase un aumento da erosión a medida que as terras de escaso valor produtivo situadas en pendentes elevadas e as marxes do río se van esgotando. Ademais, extensas superficies da conca quedan nuas debido ao sobrepastoreo.

http://www.unesco.org/water/wwap/case_studies/senegal_river/index_es.shtml


Segundo informa a AFVS, Asociación Francesa de Familias Vítimas de Saturnismo, nos últimos dous anos, máis de 30 nenos morreron debido ao envelenamento por chumbo que se rexistrou en Thiaroye sur Mer, un pobo preto de Dakar en Senegal. A razón: unha actividade de reciclaxe de baterías de chumbo, que contamina o aire e o chan dos arredores.
(...)
Dende a primeira advertencia da OMS, 51 nenos con deficiencias foron hospitalizados, pero en conxunto, 950 persoas (adultos e nenos, ou traballadores) seguen en risco.

http://plomono.blogspot.com/2010/05/senegal-fundicion-de-baterias-provoca.html